logo piligrymka





12.08.2018 – Хрысцiянская Грузiя. Адпачынак на моры – Тур 9 дзён

Наш авіятур у Грузію пачнецца з аэрапорта Мінск-2.
Мы пастараліся сабраць у праграму тура самыя важныя і цікавыя месцы так, каб падарожжа ў Грузію надало вам духоўны і фізічны зарад на ўвесь год. Лета ў Грузіі, а дакладней жнівень, вельмі спрыяльны месяц для адпачынку на моры і вандровак па краіне. Горы, мора, архітэктура, глыбокая гісторыя Грузіі, дэгустацыі і насычаныя экскурсіі ўразяць вас!
Папулярнае аўстралійскае выданне Lonely Planet піша, што Грузія – гэта найстаражытная краіна на Паўднёвым Каўказе, арыентаваная на будучыню і ў пачатку года ўключыла Грузію ў дзесятку лепшых краін свету для падарожжаў. Хрысціянства і сучасны лад жыцця з’яўляецца неад’емным элементам насельніцтва краіны, што выразна падкрэслівае гэта дзяржаўны сцяг Грузіі.

Ужо ў 326 г. у старажытнай Грузii хрысцiянства становiцца дзяржаунай рэлiгiяй дзякуючы пропаведзям Святой роўнаапостальнай Нiны. Выконваючы волю Багародзiцы, Святая Нiна з Iерусалiма прыйшла ў Грузiю i канчаткова зацвердзiла ў ёй веру Хрыстову, зрабiушыся iнiцыятаркай пабудовы шматлiкiх святынь у памяць вялiкамучанiка Георгiя Пераможцы. Грузiя абрала за свайго нябеснага апякуна Святога Георгiя.

 Трэба быць падрыхтаванымi:
 - насычаныя экскурсii,
 - пражыванне ў гатэлях (7 начэй),
 - пераезды на камфартабельным аўтобусе ў межах 200-250 км у дзень, у апошнi дзень – 450 км.

 

Час: 12 – 20 жніўня 2018 г.
Кошт: 490$  + 240 еўра (авія пералёт)

 

Унікальная прапанова – зніжка для дваіх 150$


Праезд: самалёт + аўтобус турыстычнага класа

 

Клікніце тут, каб запісацца ў пілігрымку!

Каб запісацца ў гэтую паездку запоўніце форму і адпраўце яе нам.
Увага! Усе палі абавязковыя для запаўнення!



Вашае імя i прозвішча ....
Горад ........................................
Тэлефон з кодам аператара ..
Увядзіце ваш Email .................
Колькасць месцаў ....................


Ці маеце Вы ў наяўнасці дзеючую Шэнгенскую візу на час пілігрымкі?
Так Не 


(14-15)+2=? 

 

ВЫЛЕТ з Мінска 12 жніўня – 22:50.   Прыбыццё ў Тбілісі - 02:50
Рэйс: В2 735


Сбор ў Нацыянальным аэрапорце Мінск-2, насупраць стоек рэгістрацыі на вылет у Тбілісі – 20:30.

ВЫЛЕТ з Тбілісі 20 жніўня – 03:45.  Прыбыццё ў Мінск – 05:45.
Рэйс: В2 736

 

Запісацца або атрымаць падрабязную інфармацыю па тэлефонах:
+375.33.3535110   +375.29.7080078
+375.29.6635110   +375.29.6020098

 

У кошт увахoдзiць:

- апека святара i паслугi гiда,
- усе пераезды па маршруце,
- гатэль 7 начэй, харчаванне (сняданкi i вячэры),
- экскурсiйнае абслугоўванне,

У кошт пiлiгрымкi не уваходзiць 

- уваходныя квiткi (каля 30$ з асобы),
- дэгустацыi.
- страхоўка.

 

Праграма:

1 дзень  – 12 жніўня
Вылет з Мінска 22:50.


2 дзень  – 13 жніўня

Прыбыццё ў Тбілісі 02:50.
Трансфер. Размяшчэнне ў гатэлі.

09:00 Сняданак
10:00 Аглядная экскурсія па Тбілісі:

Манастыр Андрэя Першазванага (Лурджы манастэры) XII ст., збудаваны ў эпоху царыцы Тамары храм Іаана Багаслова (XIX—XX стст.), храм размешчаны на месцы галоўнага храма манастыра святога Іаана (VII ст.);

Храм Аляксандра Неўскага, магілы глінскіх старцаў;
Наведванне кафедральнага сабора Святой Тройцы — Цмінда Самэба, сімвал сучаснай Грузіі і самы высокі храм краіны.

Аўлабар, адзін з самых старажытных раёнаў Тбілісі;

Парк Рыке размешчаны на месцы, дзе, паводле падання, легендарны цар Вахтанг Гаргасал (Ваўкагаловы), які правіў у V стагоддзі, падчас палявання збіў стралой фазана. Птушка ўпала ў гарачую крыніцу.

Цар здзівіўся, што з зямлі цячэ гарачая вада, назваў мястэчка «Тбілісі» (ад слова «тбілі» — цёплы);

Метэхі, гістарычны раён Тбілісі, дзе зараз знаходзіцца помнік Вахтангу Гаргасалу і храм Успення Багародзіцы (XIII—XVI стст.). Пад скляпеннямі храма пахавана першая грузінская пакутніца — царыца Шушаніка Ранская, забітая мужам-вогнепаклоннікам у V стагоддзі н.э .;

Музей мастацтваў Грузіі, дзе захоўваюцца святыя рэліквіі Грузіі — Хахульская, Цылканская, Ацкурская іконы Маці Божай, Анчыйскі нерукатворны абраз Ісуса Хрыста і многае іншае.

Пантэон на гары Мтацмінда (уздым на фунікулёры за дад. плату), дзе пахаваныя многія з вядомых пісьменнікаў, артыстаў, навукоўцаў і нацыянальных герояў Грузіі, царква Святога Давіда «Мамадавіці» (XIX ст.), тут у VI стагоддзі пражываў Святы Давід Гарэджскі.

Вольны час на абед.

Царква Анчысхаці (VI ст.) — храм Раства Багародзіцы, з’яўляецца адной з самых старажытных пабудоў і самым старым з храмаў, што захаваліся ў Тбілісі. Храм атрымаў назву Анчысхаці пасля 1664 г. у гонар цудатворнага абраза Збаўцы (Анчыйскі Спас), які перанеслі сюды з Паўднёвай Грузіі, ратуючы ад туркаў. У царкве Анчысхаці абраз захоўваўся прыкладна 200 гадоў. Затым ён быў перанесены ў Музей мастацтваў Грузіі;

Сабор Сіёні (XII ст.) — да 2006 года быў Кафедральным саборам Грузіі. Ён названы Сіёнскім у гонар Успенскага храма на Сіёнскай гары ў Ерусаліме, тут захоўваецца крыж Святой Ніно;

Крэпасць Нарыкала (IV—XVIII стст.) (уздым на канатнай дарозе за дад. плату) — комплекс умацаванняў розных эпох, гараджане называюць Нарыкала «душой і сэрцам горада»; вулачкі старога горада, серныя лазні, Легвтахеві — Інжыравая цясніна і вадаспад.

19:00 Вячэра.

Вольны час. Магчымасць прагуляцца па вячэрнім Тбілісі або наведаць серныя лазні.

Начлег.


3 дзень  – 14 жніўня

08:00 Сняданак.
09:00 Выезд на экскурсію ў Кахецію (праграма дня залежыць ад умоў надвор’я і дарожных умоў !!!)

Гареджыйская пустыня.
Улетку тут бывае спякота да 50 градусаў у цені, а ўзімку — мароз да 30. Калісьці мясцовасць называлі “грузінскай Фіваідай” паводле падабенства манаскай Фіваіды ў старажытнахрысціянскім Егіпце. Тут месціліся 12 буйных пячорных кляштараў і мноства адасобленых келляў.
Комплекс Давыд-Гарэджы ўяўляе сабой некалькі манастыроў у пячорах, заснаваных асірыйскімі бацькамі ў VI стагоддзі. Лаўра Святога Давіда лічыцца галоўным манастыром комплексу і ўяўляе сабой келлі ў скале, якія разам утвараюць па форме крыж.

У царкве Пераўтварэння Гасподняга размешчана пахавальня самога Давіда Гарэджыйскага.
Наведванне сыраварні з дэгустацыяй сыроў або Алазанскай даліны.

Ікалта (VI —XIII стст.) — манастырскі комплекс, адзін з самых старажытных у Грузіі, храм Святой Тройцы, храм Святога Духа (VI ст.), Храм Успення Багародзіцы (XII—XIII стст.). Акадэмія Ікалта знакамітая тым, што тут, паводле падання, вучыўся выбітны грузінскі паэт XII стагоддзя — Шата Руставэлі.

Грэмі — архітэктурны помнік XVI стагоддзя, старажытная сталіца Кахецінскага царства, царква Архангелаў Міхаіла і Гаўрыіла.

Манастыр Алавердзі (VI  ст.) — манастыр заснаваны ў VI ст. Іосіфам Алавердскім, адным з заснавальнікаў манаства ў Грузіі, сабор св. Георгія быў збудаваны на месцы маленькай аднайменнай царквы ў XI ст.

Манастыр Некрэсі (IV— IX стст.) заснаваны адным з асірыйскіх бацькоў Або Некрэскім, самая ранняя пабудова — невялікая царква канца IV ст., збудаваная неўзабаве пасля абвяшчэння хрысціянства афіцыйнай рэлігіяй дзяржавы. У VI—VII стст. збудаваны галоўны храм Найсвяцейшай Панны, які захаваў фрагменты насценных надпісаў і фрэсак XVI стагоддзя. У комплекс уваходзяць царква (IX ст.) і епіскапскі палац (XVI ст.)

Наведванне вінакурні з дэгустацыяй віна.

Манастыр Бадбэ (IX—XIX стст.), дзе спачывае святая роўнаапостальная Ніна, асветніца Грузі, цудадзейная крыніца св. Ніно.
Вяртанне ў Тбілісі.
20:00 Вячэра. Начлег.


4 дзень  – 15 жніўня

08:00 Сняданак.
08:30 Выезд на экскурсію Анануры —  Стэпанцмінда (Казбегі):
Крэпасць Анануры (ХIII—XVII стст.), грала значную ролю ў шматлікіх войнах паміж мясцовымі феадальнымі князямі — эрыставамі і за сваю гісторыю ні разу не была ўзятая штурмам, Успенскі храм (XVII ст.);

Жынвальскае вадасховішча, якое забяспечвае грузінскую сталіцу вадой і электрычнасцю. Рака Арагві перакрытая плацінай вышынёй больш за 100 метраў;

Гарналыжны курорт Гудауры (2200м.) — самы малады і самы перспектыўны гарналыжны курорт Грузіі;

Крыжовы перавал — перавал на Ваенна-Грузінскай дарозе на вышыні 2379 м праз Галоўны Каўказскі хрыбет;

Царква Найсвяцейшай Тройцы Гергеці (XIV ст.) — пабудавана на месцы пакланення паганскім ідалам, знаходзіцца на вышыні 2170 м над у.м. У XVIII ст. царква Гергеці стала сховішчам галоўных грузінскіх рэліквій, якія былі перавезены сюды падчас нашэсця персаў на Тбілісі;

Від на адну з найвышэйшых вяршынь Грузіі — гару Казбек (5033,8м).

Вольны  час на обед.
Вяртанне ў Тбілісі.
20:00 Вячэра. Начлег.


5 дзень  – 16 жніўня

08: 00 Сняданак
08: 30 Высяленне з гатэля.

Пераезд Мцхета—Уплісцыхе—Батумі. Мцхета, манастыр св. Ніны Самтавро (IV— XI стст.) — у храме знаходзіцца мноства святынь, частка жыватворнага слупа, цудатворны абраз Іверскай Божай маці, цудатворны абраз святой Ніны, магілы святых цароў Мірыана і Наны, мошчы святога Абібоса Некрэскага, мошчы святога Шыа Мгвімскага, частка каменя з магілы святой Ніны з Бодбе і інш.;

Сабор Светыцхавэлі (XI ст.) — пабудаваны на месцы першага хрысціянскага храма ў Грузіі IV ст., як і быў узведзены над магілай св. Сідоніі. Сідонія памерла з Хітонам Гасподнім у руках і была з ім пахаваная. Над магілай Сідоніі вырас кедр, з якога быў высечаны слуп для пабудовы храма. Слуп цудоўным чынам сам усталяваўся на месцы будучага храма і стаў міраструменіць. Храм назвалі “Светыцхавелі”, што ў перакладзе з грузінскай азначае «Жыватворчы слуп»;

Джвари — манастыр і храм Узвышэння Святога Крыжа VII стагоддзя. Згодна з паданнем, на гэтым месцы ў пячоры жыла св. Ніна, якая папрасіла ў Госпада крыніцу гаючай вады. Пасля Хрышчэння Грузіі тут святымі Нінай і царом Мірыянам у гонар праваслаўя быў узведзены драўляны крыж, што шанаваўся як цудатворны і даў назву гэтаму месцу.

Вольны час на обед.

Уплісцыхе — адзін з самых рэдкіх помнікаў у свеце — найстаражытнейшы горад-крэпасць, высечаны ў вулканічных скалах. Упершыню згадваецца ў летапісе I ст. да н. э., а свайго росквіту дасягнуў да IX—X стст. Захаваўся выбітная двухколонная зала прыёмаў царыцы Тамары, жылыя памяшканні, вінасховішчы, часткі храмаў і сцен, патаемны падземны тунэль, царква Уплісцулі X—XI стст. н. э.

Пераезд ў Батумі / Кабулеці / Гоніо / Урэкі.
Заселение ў гатэль.
20:00 Вячэра. Начлег


6 дзень  – 17 жніўня

08: 00 Сняданак

Вольны час. Адпачынак на моры.

Факультатыўна: экскурсія ў горную Аджарыю з абедам: даліны рэк Чарохі і Аджарысцкалі; арачны мост часоў Царыцы Тамар (Махунцэці); вадаспад у Махунцэці; «Аджарскі вінны дом» у Кеда (працягласць 6 гадзiн, кошт 65 лары з чал.)

20:00 Вячэра. Начлег.


7 дзень  – 18 жніўня

08: 00 Снаданак.

Вольны час. Адпачынак на моры.

14:00 экскурсія ў Батумі.
Факультатыўна:  наведванне Батанічнага саду (уваходныя квіткі за дад. плату) або шпацыр па вячэрнім Батумі, наведванне лазернага шоу фантанаў пасля вячэры.

20: 00 Вячэра.

Начлег.


8 дзень  – 19 жніўня

08: 00 Снаданак.

Вольны час. Адпачынак на моры.

11:30 Вызваленне нумароў.
12: 00 Пераезд у Кутаісі.

Наведванне святых месцаў Кутаісі:

Манастыр Гелаці (XII—XIII стст.) — выдатны помнік грузінскага дойлідства, цэнтр духоўнага і навуковага жыцця Сярэднявечча, пахавальня грузінскіх цароў, помнік сусветнай спадчыны ЮНЕСКА. Царква Успення Найсвяцейшай Багародзіцы, мазаікі і фрэскі XII—XVIII стст., царква Святога Мікалая Цудатворцы і храм Георгія Перамоганосцы  (XIII ст.);

Манастыр Мацамета (XI ст.) — манастыр Святых Давіда і Канстанціна, пабудаваны на месцы, дзе мусульманскія захопнікі пакаралі смерцю грузінскіх князёў Давіда і Канстанціна Мхеідзэ, якія адмовіліся прыняць іслам. Каўчэг з машчамі святых знаходзіцца ў галоўным храме манастыра;

Храм Баграці (Х—ХІ стст.) — храм Успення Багародзіцы. Адзін з самых вялікіх храмаў у Грузіі і адзін з найважнейшых па сваёй гістарычнай ролі.

Факультатыўна: нацыянальная вячэра з грузінскай праграмай (ад 15 $ з чалавека).
З майстар-класамі падрыхтоўкі нацыянальных страў, прырода, шашлык, рыба, гародніна і садавіна, першакласнае хатняе віно ад мясцовых вінаробаў, грузінскі каларыт і настрой.

19: 00 Трансфер ў аэрапорт Тбілісі.


9 дзень  – 20 жніўня

Вылет у Мінск  у 03: 15.  Прыбыццё  – 05:45.

 

 

Курс валюты па стане на 14.05.2018: 1 долар — 2,45 лары; 1 еўра — 2,91 лары.
Разменная грузінская валюта: 1 лары — 100 тэтры.

У праграме магчымыя змены парадку агляду аб’ектаў у залежнасці ад умоў надвор’я або іншых умоў.

 

Асаблівую ўвагу звярніце, калі ласка, на ваш пашпарт, яго знешні выгляд (без пашкоджанняў, без пакамечанасцяў).  Пашпарт павінен:

  • быць не старэйшы за дзесяць год з моманту выдачы;
  • дзейнічаць яшчэ тры месяцы пасля вяртання з падарожжа;
  • мець мінімум дзве вольныя старонкі з надпісам «ВІЗЫ / ВИЗЫ / VISAS».

 

 

Клікніце тут, каб забраніраваць месца ў пілігрымцы!

Каб забраніраваць гэтую паездку, запоўніце форму і адпраўце яе нам.
Увага! Усе палі абавязковыя для запаўнення!



Вашае імя i прозвішча ....
Горад ........................................
Тэлефон з кодам аператара ..
Увядзіце ваш Email .................
Колькасць месцаў ....................


Ці маеце Вы ў наяўнасці дзеючую Шэнгенскую візу на час пілігрымкі?
Так Не 


(14-15)+2=? 

Падрабязнасці па тэлефонах:  

 +375.33.3535110
 +375.29.6635110

 +375.29.7080078
 +375.29.6020098

 

Напісаць каментар

Адправіць каментар


три + = семь

Апошнія артыкулы